સુપ્રીમ કોર્ટે પશ્ચિમ બંગાળમાં I-PACની ઓફિસમાં પ્રવર્તન નિર્દેશાલય (ED)ની રેડના મામલે સુનાવણી કરી. કોર્ટે મંગળવારે મમતા બેનર્જીની બંગાળ સરકારને પૂછ્યું કે જો કેન્દ્રમાં તમારી સરકાર હોત અને કોઈ રાજ્ય આવી કાર્યવાહી કરત તો તમારું વલણ શું હોત. જસ્ટિસ પીકે મિશ્રા અને જસ્ટિસ એનવી અંજારિયાની બેન્ચે પૂછ્યું કે શું ડ્યુટી પર હાજર ED અધિકારીઓ પોતાના અધિકાર ગુમાવી દે છે. કોર્ટે જણાવ્યું કે EDના કેટલાક અધિકારીઓએ અંગત રીતે પણ અરજી દાખલ કરી છે. રાજ્ય વતી સિનિયર એડવોકેટ કપિલ સિબ્બલે કહ્યું કે...